Web Mahatashtra Team
पूष्पाराज, हम झूकेगा नही, पूष्पा फ्लावर नही फायर है फायर, असे जबरदस्त डायलॉग आणि हे डायलॉग बोलणारा जर स्टाइलीश स्टार अल्लू अर्जून असेल प्रेक्षक हा चित्रपट डोक्यावरच घेणार यात शंका नाही. मसाला चित्रपटांमध्ये साऊथ सिनेमाच्या तोडीस तोड चित्रपट बनविणे महाकठिण आहे हे पूष्पाने पुन्हा सिध्द केले आहे. लहानपणापासूनच दुजाभाव अवहेलना मिळालेला पूष्पराज एका प्रसंगी निर्णय घेतो की तो कोणासमोर झुकणार नाही. मोठा झाल्यावर पूष्पा ( अल्लू अर्जून) मजूर असला तरी राजासारखा राहतो. बुध्दीचा आणि शक्तीचा वापर करुन मालकासोबत भागीदार बनतो. त्यादरम्यान पूष्पाचे अनेक शत्रू तयार होतात त्यांना अद्दल घडवितो. श्रीवल्ली (रश्मिका) या मुलीवर प्रेम करतो साऊथच्या अनेक चित्रपटापणे यातही प्रेम करताना नायकाची स्टाईल वेगळी आहे. पूष्पाला प्रेम मिळते का? पूष्पा शत्रूंवर विजय मिळवून पूढे जातो का? हे सर्व चित्रपटांमध्ये पाहता येईल.
अल्लू अर्जूनला पडद्यावर पाहणे, त्याचा डांन्स, एक्शन, बसण्याची स्टाईल सर्वच कमाल आहे. अनेक तरुणांची क्रश रश्मिकानेही चांगले काम केले आहे. नायकाचे विरोधक ही जबरदस्त आहेत. चित्रपटातील गाणी ही ठेका धरणारी आहेत. शेवटी पूष्पामध्ये पुढील भागासाठी काही प्रमाणात उत्सुकता निर्माण केली आहे. पूष्पा अल्लू अर्जूनसाठी एकदा तरी पाहिलाच पाहिजे असा हा पैसा वसूल चित्रपट आहे. कोणत्याही स्टारचा चित्रपट पहिल्या आठवड्यात जबरदस्त चालतो आणि नंतर कमाई कमी होते. पूष्पा मात्र पहिल्या आठवड्यापेक्षा तिसऱ्या आठवड्यात जास्त कमाई करुन फ्लावर नाही फायर ठरत आहे.
चित्रपट समीक्षण- नारायण परब
